1.
Marmoreo recubant hoc principis ossa sepulcro
Qui patriae ac populis iura benigna dabat,
Qui pius in primis iustique ac pacis amator
Imperio exclusit bella cruenta suo.
5
Hunc populi regesque gravem sanctumque bonumque
In rebus dubiis consuluere suis.
Ferrariam imperio Nicolaus nomine rexit
Gloria et Estensis marchio gentis honos.
2.
Cuius in hoc tumulo corpus servatur et ossa
Ferrariae princeps marchio dictus eram,
Qui populos gentesque meas atque oppida felix
Tranquilla tenui sub dicione diu,
5
Quem iustum atque pium et morum gravitate nitentem
Consuluere urbes, consuluere duces.
Ingenii praeclara mei monumenta reliqui,
Extructasque domos templaque sacra deum,
Estensem me gens Nicolaum nomine dixit,
10
Munificus toto cognitus orbe fui.
3.
Felicem princeps patriam populosque regebam
Atque urbes felix duro mihi vita fuit.
Iustitiae insignis cultor, pietatis alumnus,
Comis et in primis perque benignus eram.
5
Arbiter accitus inter bella horrida, pacis
Regibus ac populis unicus auctor eram.
Marchio dicebar Nicolaus nomine, princeps
Ferrariae, Estensis gloria magna domus.
Hoc iaceo extinctus senior sub marmore; nam me
10
A patria rapuit mors inopina procul.